OpenGunean emango diren hitzaldien berri emango dizuegu.
HITZALDIEN ORDUTEGIA*
Ostirala, martxoak 9
11:00 - 11:45 Mintza gaitezen mainframeez, erraldoi ezezagun horiez
12:00 - 12:45 Den-dena ikusten duen begia: Sistemen monitorizazioa eguneroko bizimodurako
16:00 - 16:45 SEO Youtuberako
17:00 - 17:45 Aisialdirako droneak: hastapenak
18:00 - 18:45 Google Hacking, zer daki Internetek guri buruz? Seguru al daude benetan gure datuak Interneten?
19:00 - 19:45 Zergatik gustatzen zait musika entzutea?
Larunbata, martxoak 10
13:00 - 13:45 Datu pertsonalak babesteko europako esparru berria. Teknologia eta pribatutasuna?
16:00 - 16:45 SysTroll Inside: EPSren istorioak
17:00 - 17:45 Esperientzia, beti lagungarri: segurtasuna eta adinekoentzako teknologia berriak
*Honako egitaraua behin-behinekoa da, eta beraz garaiz jakinaraziko diren aldaketak paira ditzake.
Mintza gaitezen mainframeez, erraldoi ezezagun horiez
Hizkuntza: Gaztelania
Hizlaria: Urtzi Larrieta Alvarez
Hitzaldiaren deskribapena:
Helburua: Mainframe sistema bat eta haren sistema eragilea (z/OS) ezagutaraztea. Ekipo horiek kontrolatzen dituzte zenbait enpresa handi, balore-merkatu, banku eta abarren ekonomia eta datuak, eta, normalean, herritar arruntak ez ditu eskura izaten. Geroago egingo den lantegi baten atarikoa izango da hitzaldi hori. Lantegi horretan, z/OS sistemaren programazioa "ukitzeko" eta kudeatzeko aukera izango du jendeak.
Zer publikori dago zuzendua?
Ikasi nahi duen orori.
Hizlariaren curriculum vitae laburra:
Hamar urte baino gehiago da Mainframe sistemetako teknikari diharduela; Euskal Encounter antolatzen laguntzen du, eta, urte askoan, ekitaldi horren sistemetako zerbitzuak kudeatzen zituen Mainframe bat eramaten eta instalatzen zuen.
Web: http://www.mainframecorner.com
Ordutegia: Ostirala, martxoak 9, 11:00 - 11:45
Den-dena ikusten duen begia: Sistemen monitorizazioa eguneroko bizimodurako
Hizkuntza: Gaztelania
Hizlaria: Yuri Numerov
Enpresa: Gamaker
Hitzaldiaren deskribapena:
Neurri batean edo bestean, denoi bururatu zaigu inoiz gure sistemak monitorizatzea: Nola jakin dezaket Interneteko nire linea etenda dagoela, nahiz eta ni ez erabiltzen ari une horretan? Jakin dezaket ea ke-detektagailua aktibatu den ni etxetik kanpo nagoen bitartean? Behar adina leku badu saretik hainbat fitxategi deskargatzen utzi dudan ordenagailuak? Inork jo du ateko txirrina ni kanpoan egon naizen bitartean?
Hitzaldi honetan, sistemen monitorizazioaren oinarrizko kontzeptuak azalduko dira, betiere software eta hardware libreak oinarri hartuta. Gainera, datuak prozesatzeko zentro bateko zerbitzarien monitorizazioaz harago, eguneroko bizimoduko kasu erabilgarri batzuk azalduko dira.
Zer publikori dago zuzendua?
Profil teknikoko jendea, sistemen monitorizazioan interesa duena.
Web:
http://achi.se (Web)
https://twitter.com/achifaifa (twitter)
http://gamaker.org (Gamaker)
Ordutegia: Ostirala, martxoak 9, 12:00 - 12:45
SEO Youtuberako
Lekua mugatua da, beraz, aldez aurretik izena eman behar da hemen.
Hizkuntza: Gaztelania
Hizlaria: Fran Murillo Osorio
Enpresa: Mondragon Unibertsitatea
Hitzaldiaren deskribapena:
Azken urteetan bideoa da eduki sortzaileentzako formaturik interesgarrienetako bat, eta horren arrazoia da, zalantzari gabe, mota horretako edukiak kontsumitzea nahiago duten erabiltzaileak gero eta gehiago direla. Zerbaitegatik bihurtu da Youtube bisita gehien duen bigarren bilatzailea, justu Googleren atzetik.
Kontuan izanda asko direla edukiak sortzen Youtuberekin lehian ari diren marka, elkarte eta sortzaile indibidualak, interesgarria da ezagutzea bideo bat bilatzaile honetan optimizatzeko metodoak, besteetatik nabarmentzeko eta bisitak lortzeko.
Hori ikasiko dugu SEO Youtuberako izeneko hitzaldian: gure bideoekin lehiakideen gainetik jartzeko urratsak, prozesu erraz eta praktiko baten bitartez.
Zer publikori dago zuzendua?
Youtubers, Gamers...Norberaren Youtube kanalean bisita organikoak jasotzeko interesa duen publiko orori.
Hizlariaren curriculum vitae laburra:
Azken urteetan SEO aholkulari lanetan aritu da maila nazionalean zein nazioartean erreferente diren enpresentzat, kontu handiak kudeatuta. Gaur egun Mondragon Unibertsitatean egiten du lan, enpresen marketin digitaleko prestatzaile eta aholkulari.
Web: mondragon.edu
Ordutegia: Ostirala, martxoak 9, 16:00 - 16:45
Aisialdirako droneak: hastapenak
Hizkuntza: Gaztelania
Hizlaria: Euskadi Drone Racing Elkartea
Hitzaldiaren deskribapena:
Aisialdirako dronearen eremua: hastapenak
Lehiaketarako droneen pilotu baten ikuspegitik jorratuko dugu gaia. Drone bat zer den azalduko diegu saiora inguratzen direnei, eta bereziki aztertuko ditugu lehiaketarako kuadrikopteroak: zer osagai dituzten, eta zer garrantzi duen haietako bakoitzak. Gailu horien konfigurazioa eta programazioa ere aztertuko dugu, laburki.
Horrez gain, aisialdirako droneen erabileraz indarrean den legediak zer dioen azalduko diegu saiora inguratzen direnei, eta gailu horiek nola pilotatzen diren ere ikusiko dugu, simulagailu baten bidez.
Zer publikori dago zuzendua?
Ez dago inongo baldintzarik bete beharrik hitzaldi horretara joateko, eta ongi etorria izango da bertaratzen den droneen eta irrati-kontrolaren zale oro.
Hizlariaren curriculum vitae laburra:
Irabazi-asmorik gabeko elkarte bat da EDR —Euskadi Drone Racing—, eta lasterketetarako droneen mundu berri eta ikusgarri horrekin lotura duten kirolen alorrean jarduten da.
Nahiko berria da gure elkartea, baina badaramatzagu bi urte baino gehiago lasterketetarako droneekin erakusketak eta ekitaldiak antolatzen. Izan ere, gure elkarteak baditu pilotu profesional batzuk ere, eta emaitza bikainak lortu izan dituzte Espainiako hainbat txapelketatan.
Hona xehetasun batzuk hobby hori ezagutzen ez dutenentzat: 1 formulako lasterketen antzekoak dira, eta zirkuituen diseinuan ateak, banderak eta aireko oztopoak dituzte; hori dela eta, akrobaziak egin behar izaten dituzte pilotuek oztopoak saihestu eta helmugara lehenak iristen saiatzeko. Berrikuntza ugari dakar berekin hobby horrek, eta kontzentrazioa, arintasuna eta trebetasuna sustatzen ditu, eta elektronikari buruzko ezagutzak areagotzen.
Bideoa:
Web: http://euskadidroneracing.com
Ordutegia: Ostirala, martxoak 9, 17:00 - 17:45
Google Hacking, zer daki Internetek guri buruz? Seguru al daude benetan gure datuak Interneten?
Lekua mugatua da, beraz, aldez aurretik izena eman behar da hemen.
Hizkuntza: Gaztelania
Hizlaria: Jesús Lizarraga Durandegui
Enpresa: Mondragon Unibertsitatea
Hitzaldiaren deskribapena:
90eko urteetan Interneteko lehen bilatzaileak agertu zirenetik nabarmen hazi da haien gaitasuna eta eraginkortasuna. Gaur egun ezinbesteko tresna dira edozein internautarako, baina erakundeentzat ere ezinbestekoak dira, beren edukiak web gunean ezagutarazteko.
Halere, bilatzaile horiek enpresei eta erabiltzaileei zerbitzu garrantzitsua emateaz gain era guztietako informazioa biltzeko eta gordetzeko "makineria" izatera heldu dira.
Batzuetan, gainera, benetan ezagutzea nahi duguna baino informazio gehiago biltzen dute. Google Hacking deiturikoak izaera pertsonaleko edo korporatiboko informazio sentibera bilaketa aipatzen du, gehienetan asmo txarrez egindakoa.
Saio honetan hurrengo galderak erantzungo ditugu:
- Nola funtzionatzen du bilatzaile batek?
- Zein informazio mota gordetzen duzu?
- Interneten guk nahi ez dugun informazio pertsonala edo gure enpresako informazioa eskaintzen ari gara?
- Informazioaren eskuragarritasuna gure webgunearen osotasuna arriskuan jar dezake?
Zer publikori dago zuzendua?
Gure informazio pertsonala edo gure enpresen informazio konfidentziala bilatzaileetik nola deusestatu jakin nahi duen pertsona orori.
Hizlariaren curriculum vitae laburra:
Ingeniari Teknikoa da Euskal Herriko Unibertsitatetik (EHU), Informatikako Ingeniaria Mondragon Unibertsitatetik (MU) eta Konputazioko Masterra (M.Sc.) Staffordshireeko Unibertsitatetik (Erresuma Batua). Horrez gain, CISCOren CCNAko trebatzaile homologatua da. 1992an Goi Eskola Politeknikoaren Informatika Departamentuan sartu zen (MGEP).
Gaur egun, MUren Goi Eskola Politeknikoaren Telematika Arloa koordinatzen du. Mondragon Unibertsitateko zibersegurtasuneko arduraduna eta Zibersegurtasuneko Masterraren koordinatzailea ere bada. Gradu ondoko kurtsoetan egiten dituen ikasle lanekin batera enpresei prestakuntza eta aholkularitza ematen die. Gaur egun zaintza, monitorizazioa eta komunikazioak dira bere lan arloak.
Web: https://www.mondragon.edu/profesionalak/zibersegurtasunean-masterra/
Ordutegia: Ostirala, martxoak 9, 18:00 - 18:45
Zergatik gustatzen zait musika entzutea?
Hizkuntza: Gaztelania
Hizlaria: Jaime Altozano
Hitzaldiaren deskribapena:
Zer dela eta hunkitzen ote gara gure espezieko beste kide batek zurezko kaxa batean tenkatutako soka bat bibraraztean? Ez al gara, bada, elkarrekin komunikatzeko ahozko hizkuntza asmatu zuten primate haien ondorengoak? Hau da, zergatik gustatzen zaigu gitarraren hotsa? Hori ulertzeko, lehenbizi beste hau argitu behar da: zer arraio den musika, eta zergatik egiten duen soinu hori.
Zer publikori dago zuzendua?
Edonori, batez ere fisika, historia, antropologia eta musika interesatzen zaienei.
Hizlariaren curriculum vitae laburra:
Ezaguna da Jaime Altozano konpositore eta musika-ekoizle espainiarra, Internet bidez partekatzen baitu musikarekiko duen zaletasuna. Kontserbatorioan, pianoa jotzen ikasi zuen, eta Madrilgo Sorkuntza Eskolan, berriz, musika-ekoizpena.
Ezaguna da, besteak beste, El señor de los anillos eta Star Wars filmetako soinu-banden bidez leitmotiven erabilera azaldu zuelako, kontrapuntua erabiltzen hasi zelako, eta Bachen zenbait fuga Pokémoni eta La Oreja de Van Goghi esker aztertu zituelako. Horrez gain, kutsu alternatiboko zenbait proposamen ere egin izan ditu; besteak beste, operara 100.000 lagun eramaten saiatu zen, Teatro Realekin elkarlanean.
Haren bideoek, berriz, bederatzi milioi bisita baino gehiago izan dituzte jada, eta mezu bera zabaltzen dute guztiek: "Ikas ezazu musika beste era batera entzuten".
Web: Jaimealtozano.com
Ordutegia: Ostirala, martxoak 9, 19:00 - 19:45
Datu pertsonalak babesteko europako esparru berria. Teknologia eta pribatutasuna?
Lekua mugatua da, beraz, aldez aurretik izena eman behar da hemen.
Hizkuntza: Gaztelania
Hizlaria: Jorge Campanillas Ciaurriz
Enpresa: Iurismatica Abogados
Hitzaldiaren deskribapena:
Aurten datu pertsonalak babesteko Europako esparru berria sartuko da indarrean. Aurkezpenaren bidez, erregulazioko puntu garrantzitsuenak aztertuko ditugu eta nola eragiten dien enpresei, erabiltzaileei eta herritarrei. Gaur egungo mundu teknologikoan erabiltzaileen pribatutasunerako lekua dagoen galderari erantzuten saiatuko gara. Teknologia vs pribatutasuna?
Zer publikori dago zuzendua?
Europako datu pertsonalen erregulazio berrian interesa duten guztiei. Negozio ikuspegitik nola eragiten duen jakiteko eta herritarren ikuspegitik ditugun eskubide berriak ezagutzeko.
Hizlariaren curriculum vitae laburra:
Abokatua - "Iurismatica Abogados" bulego legearen sortzailea, "EventosJuridicos.com"-en arduraduna, informazio atari liderra legezko sektoreko gertaeren berri emateko eta Sareko Zuzeneko sortzailekidea, Teknologia Informazioaren eta Komunikazioaren eskubidea zabaltzeaz arduratzen den elkartea.
Ordutegia: Larunbata, martxoak 10, 13:00 - 13:45
SysTroll Inside: EPSren istorioak
Hizkuntza: Gaztelania
Hizlariak: Hector Martín “marcan” y Juan Traverso “imobilis”
Enpresa: Organización Euskal Encounter
Hitzaldiaren deskribapena:
SysTroll (Sistemas & Software Libre Euskal Encounter) ez da partyaren hardwareaz eta ekipamenduaz bakarrik arduratzen: webgunearen mantentze-lanak egiten dituzten sistemei, izena ematekoei, foroei eta abarri ere laguntzen diegu. Hirugarren Systroll Inside honetan, berriz, hau jorratuko dugu: EPS berriaren eraikuntza, zer desafiori egin behar diegun aurre, eta egun duen arkitektura, zeinari esker beldur handirik gabe egiten diogun aurre erreserba-egun beldurgarri horri.
Zer publikori dago zuzendua?
Sistema-administrazioa eta software-garapena interesatzen zaien partyzaleei.
Hizlarien curriculum vitae laburra:
Gipuzkoa Encounterren sistema-alorraren antolatzailea da marcan. LAN partietatik aparte, sistema-ingeniaritzan eta segurtasunean jarduten da, bai hardwarean, bai softwarean.
Gipuzkoa Encounterren software libre-alorraren antolatzailea da imobilis. LAN partietatik aparte, sistema-ingeniaritzan eta sareetan jarduten da, eta hirugarren batzuei euskarri teknikoa ematen.
Web: https://euskalencounter.org
Ordutegia: Larunbata, martxoak 10, 16:00 - 16:45
Esperientzia, beti lagungarri: segurtasuna eta adinekoentzako teknologia berriak
Hizkuntza: Gaztelania
Hizlaria: EuskalHack Team
Enpresa: Asociación de Seguridad Informática EuskalHack
Hitzaldiaren deskribapena:
Hitzaldiaren helburua: teknologia berrien segurtasunari eta erabilera seguruari buruzko zenbait azalpen ematea adineko jendeari edo teknologia horiek erabiltzen esperientziarik ez duenari.
Ahalik eta modurik didaktikoenean aurkeztuko da mundu digitalean seguru jarduteko zer ezagutza tekniko behar diren, bai eta zer arrisku aurki daitezkeen eremu horretan.
Hitzaldiaren hasieran, hau azalduko zaie adinekoei: eguneroko bizimodurako zer abantaila dakarzkien teknologia berriak erabiltzeak (supermerkatuko erosketak, administrazio publikoarekiko izapideak eta abar).
Ondoren, teknologiaren aurkezpen labur bat egingo da, eta bereziki azpimarratuko dira, xumeki eta modu didaktikoan, gerora azalduko diren kontzeptuak errazago ulertzeko behar diren gutxieneko ezagutzak.
Atariko azalpenak amaitutakoan, eguneroko bizimodurako teknologiak, haien arriskuak eta haietatik babesteko bideak jorratuko dira:
Web-nabigazioa:
Webgunean seguru nabigatzeko zenbait ideia eta truku. Iruzur ohikoenak aipatuko dira, jendeak berehala ezagutu eta haien aurkako prebentzio-neurriak har ditzan.
Nola erabili gailuak:
Nola eduki beti gure gailuak ahalik eta seguruen. Nola erabili marketak eta beste datu batzuk, zure erabiltzaile-jarduna hobetzeko eta seguruago aritzeko.
Zer publikori dago zuzendua?
Teknologia berriak seguru erabili nahi dituen adineko jendeari, edo haiek erabiltzen hasi nahi duenari.
Hizlariaren curriculum vitae laburra:
EuskalHack irabazi-asmorik gabeko elkarte bat da, profil tekniko askotariko pertsonez osatua, hacking-arekiko eta segurtasun informatikoarekiko grina delarik denen ezaugarria.
EuskalHacken helburu nagusia segurtasun informatikoaren inguruko kultura zabaltzea da, eta trebakuntza-saioak, mintegiak eta kongresuak antolatzen dituzte horretarako.
EuskalHack Team taldeko hizlariek esperientzia handia dute dibulgazioan, EuskalHack erakundearen barnean.
Web: https://www.euskalhack.org
Ordutegia: Larunbata, martxoak 10, 17:00 - 17:45
